Бокс. Бугун амалдаги жаҳон чемпиони рингга чиқади
Бугун Сербия давлатининг Белград шаҳрида давом этаётган бокс бўйича жаҳон чемпионатининг навбатдаги беллашувларига старт берилади.
Хусусан, унда -57 кг вазн тоифасида собиқ жаҳон чемпиони ҳамюртимиз Миразизбек Мирзаҳалилов америкалик Жамал Херлига қарши рингга кўтарилади. Энг оғир вазнли боксчимиз Лазизбек Муллажоновнинг жанги ҳам бугунги кун дастуридан ўрин олган. Спортчимиз мазкур тўқнашувда эронлик Пуриа Амири билан баҳс олиб боради.
Мусобақанинг дастлабки кунида ирландиялик Брендан Маккивини мағлуб этиб, кейинги босқичга йўлланма олган Асадхўжа Мўйдинхўжаев фаластин вакили Ахмед Харара билан рингга чиқади.
Эслатиб ўтамиз, мазкур жаҳон чемпионати 6 ноябрга қадар давом этади.
Аввалроқ бокс бўйича жаҳон чемпионатининг иккинчи кунида юртимиз шарафини кимлар ҳимоя қилиши ва Ўзбекистон бокс терма жамоаси таркиби эълон қилингани ҳақида хабар берилганди.
Жамшидбек Амиров
