Филиппе Коутино премьер-лигага қайтиши мумкин
“Барселона” клубининг ҳужумкор ярим ҳимоячиси Филиппе Коутино АПЛга қайтиши мумкин. Ҳозирда 29 ёшли футболчига “Арсенал” ва “Тоттенхем” жамоалари қизиқиш билдирмоқда.
“Барселона” Коутинонинг ойлик маошини тушириш учун ҳар томонлама ҳаракат қилмоқда. Агар бу режа амалга ошмайдиган бўлса, ундан бошқача йўл билан қутулмоқчи. Қишги трансферлар ойнасида “Арсенал” ва “Тоттенхем” клублари хўжайинлари бразилиялик футболчини кейинчалик сотиб олиш шарти билан ижарага олмоқчи. Хабарларга кўра, каталонияликлар Коутинони ижарага берган тақдирда ҳам футболчи маошининг ярмини тўлашда давом этади.
Маълумот ўрнида: бразилияликнинг “Барселона”даги ҳафталик маоши 200 минг фунтни ташкил этади.
Аввалроқ, “Манчестер Сити” Килиан Мбаппени исталган нархда сотиб олмоқчи экани ҳақида хабар берилганди.
Жамшидбек Амиров
