Жаҳон чемпионатида қатнашган Ўзбекистон футзал терма жамоаси юртимизга қайтиб келди

 

Футзалчиларимизни Ислом Каримов номидаги Тошкент халқаро аэропортида Ўзбекистон футбол ассоциацияси мутасаддилари, футзалчиларнинг оила аъзолари ҳамда оммавий ахборот воситалари ходимлари тантанали кутиб олди.

 

Эслатиб ўтамиз,  Баҳодир Аҳмедов мураббийлигидаги жамоамиз жаҳон чемпионатида илк марта ғалаба қозониб, плей-офф босқичида  иштирок этди. Қолаверса, ҳамюртларимиз мундиал давомида жаҳоннинг энг кучли терма жамоалари билан тенгма-тенг кураш олиб борди.

 

Аввалроқ, Ўзбекистон терма жамоаси нимчорак финалда Эронга 8:9 ҳисобида мағлуб бўлгани ҳақида хабар берилганди.

 

Жамшидбек Амиров