Жаҳон теннисчилари рейтинги эълон қилинди: ким нечанчи ўринда?
АTP теннисчиларнинг янгиланган ҳафталик рейтингини эълон қилди. Унга кўра, биринчи учлик ўзгаришсиз қолди. Сербиялик Новак Жокович ҳамон пешқадамлик қилмоқда.
Россиялик Даниел Медведев иккинчи, грециялик Стефанос Кикипас учинчи поғонада бормоқда. АҚШда ўтказилган «Cincinati» турнирида ғолиб чиққан германиялик Александр Зверев испаниялик Рафаэл Надални ортда қолдириб, тўртинчи ўринга кўтарилиб олди. Надал эса 5-поғонага тушди. Мамлакатимизнинг биринчи рақамли ракетка устаси Денис Истомин янгиланган рейтингда 1 поғона кўтарилиб, 207-ўринни эгаллади. Яна бир теннисчимиз Ҳумоюн Султонов эса 8 поғона пастлади.
АТП рейтингида кучли ўнлик теннисчилари:
1 (1). Новак Жокович (Сербия) — 11,113
2 (2). Даниил Медведев (Россия) — 9980
3 (3). Стефанос Кикипас (Греция) — 8350
4 (5). Александр Зверев (Германия) — 8240
5 (4). Рафаэл Надал (Испания) — 7815
6 (6). Доминик Тим (Австрия) — 6995
7 (7). Андрей Рубльёв (Россия) — 6400
8 (8). Маттео Берреттини (Италия) — 5533
9 (9). Рожер Федерер (Швейцария) — 4125
10 (10). Денис Шаповалов (Канада) — 3580.
Ўзбекистонлик теннисчиларнинг АTP даги ўрни:
207 (208). Денис Истомин — 344
419 (411). Ҳумоюн Султонов — 99
553 (554). Санжар Файзиев — 61
646 (644). Сергей Фомин — 42
687 (662). Жўрабек Каримов — 35.
Жамшид Амиров
