Конор Макгрегорнинг дўсти АҚШда ҳибсга олинди. Нега?
Икки вазн тоифасида собиқ UFC чемпиони Конор Макгрегорнинг дўсти Диллон Денисни АҚШ полицияси ҳибсга олди.
Хабарларда унинг нима учун ҳибсга олингани ҳақида маълумот берилмаган. Бироқ маълум бўлишича, Денис ҳибсга олинган вақтда полицияга қаршилик кўрсатган.
Маълумот ўрнида: 28 ёшли Диллон Денис аралаш жанг санъати бўйича иккита жанг ўтказган ва уларнинг ҳар иккиласида ҳам ғалаба қозонган. У 2019 йил июнь ойидан бери жангларда қатнашгани йўқ. Денис 2020 йил январь ойида Беллатор турнирида қатнашиши керак эди. Бироқ тиззасидан олган жароҳати туфайли жангда иштирок этолмайдиган бўлди. Шундан сўнг спортчи 2020 йилнинг март ойида операция қилинган. У 2018 йил октябрь ойида Макгрегорнинг Ҳабиб Нурмагомедов билан жангидан сўнг оммавий жанжалнинг фаол иштирокчиси бўлган.
Аввалроқ, Мэнни Пакьяо боксдаги фаолиятини якунлагани ҳақида хабар берилганди.
Жамшидбек Амиров
