"Нефтчи" уч йиллик танаффусдан сўнг яна суперлигага қайтди
Фарғона вилоятининг "Нефтчи" жамоаси Про-лига 20-тури доирасида Ойбек Қиличевнинг дубли, Акмал Шораҳмедов ва Марко Обрадовичнинг голлари ҳисобига "Нурафшон" жамоасини мағлуб этди. Меҳмонлар йўллаган ягона гол Санъат Шихов номига ёзилди.
Ушбу натижадан сўнг Илҳом Мўминжонов мураббийлигидаги "Нефтчи" икки йиллик танаффусдан кейин яна суперлигага қайтди.
Фарғоналиклар ушбу ғалаба билан очколари сонини 40 тага етказиб, муддатидан аввал йўлланмага эга бўлди. Қолган 4 та ўйиндаги натижа қандай бўлишидан қатъий назар, клуб суперлигага чиқиш масаласини ҳал қилди.
Маълумот учун: Фарғона клуби 2018 йилги мавсумдан кейин суперлигани тарк этганди.
Жамшидбек Амиров
