Осиё ўйинларида киберспорт бўйича медаллар ўйналадиган йўналишлар тасдиқланди
Маълумки, Осиё электрон спорт федерацияси (AESF) ташаббуси ҳамда Осиё Олимпия Кенгаши(OCA)нинг қўллаб-қувватлаши натижасида киберспорт ўйинлари 2022 йилги Осиё ўйинлари дастуридан ўрин олган эди.
Энди ушбу янги замонавий спорт тури бўйича кибератлетлар ўртасида Осиё ўйинлари-2022нинг расмий медаллари ўйналадиган бўлди. Бу ҳақда Туризм ва спорт вазирлиги матбуот хизмати хабар берди.
AESFнинг мамлакатимиз ҳудудидаги расмий «full» аъзоси ҳисобланган Esports Ўзбекистан Федерацияси (UESF) ушбу қарор Осиёда киберспорт ривожи йўлида ташланган катта қадам экани ҳамда ушбу лойиҳани қўллаб-қувватлашини билдирди.
Кеча ушбу спорт турида медаллар ўйналадиган йўналишлар маълум қилинди. Унга кўра, 2022 йилги Осиё ўйинлари доирасида киберспортчилар қуйидаги йўналишларда медаллар учун кураш олиб боради:
1. Arena of Valor
2. Dota 2
3. Dream Three Kingdoms 2
4. EA SPORTS FIFA
5. HearthStone
6. League of Legends
7. PUBG Mobile Asian Games Version
8. Street Fighter V
Қуйидаги 2 йўналишда эса кўргазмали чиқишлар ўтказилиши режалаштирилган:
1. AESF Robot Masters-Powered by Migu
2. AESF VR Sports-Powered by Migu.
