Ўзбекистон Эронга 8:9 ҳисобида мағлуб бўлди
Бироз аввал футзал бўйича жаҳон чемпионатининг нимчорак финали доирасидан ўрин олган Ўзбекистон ва Эрон ўртасидаги учрашув якунланди.
Муросасиз ва голларга бой бўлган ўйинда эронликлар 8:9 ҳисобида ғалаба қозонди. Беллашувда голларга ўзбекистонликлардан Ҳусниддин Нишонов (хет-трик), Дилшод Раҳматов, Ихтиёр Ропиев, Анасхон Раҳматов (дубл), Илҳом Ҳамроев муаллифлик қилган бўлса, эронликлар сафида Али Ҳасанзода (хет-трик), Маҳди Жавид (дубл), Саид Аҳмад Аббоси (дубл) қайд этди, Фарҳод Тавакколи ва Муслим Оладгодбаҳл биттадан тўп киритди. Шундай қилиб, Эрон жаҳон чемпионати чорак финалига чиққан навбатдаги жамоа бўлди. Ўзбекистон терма жамоаси эса чемпионатдаги иштирокини якунлади.
