Пандемия 2022 йил давомида ҳам чўзилиши мумкин — ЖССТ
ЖССТ пандемия 2022 йил давомида ҳам чўзилиши мумкинлигини айтди. Бу ҳақда BBC хабар берди.
Ривожланган давлатлар ҳали ҳам кам таъминланган мамлакатларга вакцина етказиб бериш дастурини бажармаяпти.
"Ишонч билан айта оламанки, биз касаллик билан курашмаяпмиз. Ҳақиқатан ҳам тезлашишимиз керак, акс ҳолда нима бўлишини биласизми? Бу пандемия кутилганидан бир йил кўпроқ давом этади", - деди Брюс Айлвард, ЖССТ бош директори маслаҳатчиси.
Унинг сўзларига кўра, агар кўпчилик мамлакатларда аҳолининг 40 фоиз ёки ундан кўпроғи COVID'га қарши эмланган бўлса, Африкада бу атиги 5 фоизни ташкил этади.
Бундан аввал Исроил олимлари коронавируснинг АY.4.2 деб номланган янги турини қайд этгани ҳақида хабар берилган эди.
Насиба Тўхтаева
