Пауло Дибала “Зенит”га қарши ўйинни ўтказиб юбориши мумкин
Туриннинг “Ювентус” клуби ҳужумчиси Пауло Дибала 2021/2022 йилги Чемпионлар лигаси гуруҳ босқичида “Зенит” га қарши ўйинни ўтказиб юбориши мумкин.
Дибала Италия А Сериясининг 17 октябрь куни бўлиб ўтган “Рома” билан навбатдаги ўйинда ҳам майдонга тушмади. Шунингдек, унинг жароҳати “Зенит”га қарши ўйингача ҳам тузалмаслиги маълум бўлди. Хабарларга кўра, фақат мўъжизагина Паулонинг Санкт -Петербург клуби билан ўйнашида имкон бериши мумкин.
Дибала А Сериянинг 6-туридан ўрин олган “Сампдория” билан ўйинда жароҳат олган эди. Паулода чап сонининг мушаклари шикастлангани аниқланди.
Эслатиб ўтамиз, “Зенит” – “Ювентус” учрашуви 20 октябрь куни Санкт -Петербургдаги “Газпром Арена” стадионида бўлиб ўтади.
Аввалроқ Элдор Шомуродовнинг нархи кескин кўтарилгани ва Кейлор Навас жароҳати сабаб иккита ўйинни ўтказиб юбориши ҳақида хабар берилганди.
Жамшидбек Амиров
