ЕЧЛда гол урган илк ўзбек йигити ва Мессидан кутилган дебют
Kecha oqshom Yevropa chempionlar ligasining ikkinchi turidan o‘rin olgan dastlabki uchrashuvlar bo‘lib o‘tdi. Mazkur turning eng qiziqarli o‘yini “PSJ” - "Manchester Siti" o‘rtasida bo‘lishi shubhasiz edi. Ushbu uchrashuvga inglizlar guruh peshqadami sifatida yetib kelgan bo‘lsa, Parij klubi esa birinchi turdan so‘ng ikkinchi pog‘onani egallab turgandi.
"ПСЖ" стадионида ўтган ўйин мухлисларга ҳақиқий футбол байрамини тақдим этди. Учрашувда ҳисоб парижликлар томонидан очилганидан сўнг, "Манчестер Сити" фаолликни оширди. Бироқ бир хил вазиятларда ушбу клубга омад етишмаган бўлса, бошқа вазиятларда "ПСЖ" дарвозабони жамоасининг жонига оро кирди.
Иккинчи бўлимда мухлислар узоқ кутган воқеа содир бўлди. Ўйин якунига оз муддат қолган бир пайтда Лионел Месси ўзининг ажойиб зарбаси билан парижликлар сафида дебют голини уришга муваффақ бўлди. Шу тариқа "ПСЖ" инглиз клубида 2:0 ҳисобида устун келди ва гуруҳда пешқадамликни қўлга киритди.
Ўзбекистон футбол мухлислари эътиборида турган "Реал Мадрид" - "Шериф" ўйини ҳам қизикарли ўтди. "Шериқ" сафида тўп сураётган ҳамюртимиз Жасур Яхшибоев учрашувнинг 25-дақиқасида гол урди. Шу тариқа футболчимиз Европа чемпионлар лигасида гол уриб жамоасининг ғалабасига муносиб ҳисса қўшди.
Испанияда ўтказилган мазкур ўйинда Яхшибоев жамоаси 1:2 ҳисобида ғалаба қозонди ва гуруҳда олти очко билан биринчи ўринга мустаҳкам жойлашиб олди.
Шунингдек, кеча оқшом "Милан" ва "Атлетико" жамоалари иштирокида яна бир қизиқарли ўйин бўлиб ўтди. Миланликлар стадионида ўтган ўйинда испанлар 1:2 ҳисобида ғалаба қозонди. Бундан ташқари Чемпионлар лигаси иккинчи туридан ўрин олган яна бир қатор учрашувларда қуйидагича натижа қайд этилди:
"РБ Лейпсиг" 1:2 "Брюгге"
"Порту" 1:5 "Ливерпул"
"Боруссия Д" 1:0 "Спортинг"
"Шахтёр" 0:0 "Интер"
"Аякс" 2:0 "Бешиктош"
Эслатиб ўтамиз, бугун Европа чемпионлар лигасининг иккинчи туридан ўрин олган навбатдаги ўйинлар бўлиб ўтади.
Жамшидбек Амиров
