“Eng qiziq voqea Rojdestvo bayramida bo‘ldi. O‘shanda qaysi jamoa bilan o‘ynaganimizni eslay olmayman. Taxminimcha, bu “Sanderlend”ga qarshi safar o‘yini edi. Shunda Klopp bilan Milner janjallashib qoldi. Ikkisi ham bir-birini tushuna olmadi. Menimcha Milner o‘z fikrini isbotlashga harakat qilardi. Uning harakatidan Kloppga ishonchsizlik sezilib turardi. Murabbiy esa bu vaqtda juda katta bosim ostida edi. Shu yili men “Liverpul" murabbiylar shtabiga endi kelgandim. Klopp uchun esa bu ikkinchi yil edi. Hamma uni yaxshi murabbiy deb hisoblardi. Mana shu yillar davomida Yurgen Klopp o‘z futbolchilarini super yulduzlarga aylantirdi”.
Eslatib o‘tamiz, germaniyalik mutaxassis Yurgen Klopp “Liverpul” klubini 2015-yildan beri boshqarib kelmoqda. Bu vaqt davomida jamoa bilan Yevropa chempionlar ligasi, Yevropa superkubogi va Angliya premyer-ligasi g‘olibligini qo‘lga kiritdi.
Avvalroq “Bavariya” hujumchisi Robert Levandovski yangi rekord o‘rnatgani haqida xabar berganilgandi.
Jamshidbek Amirov