800 миллион сўмни ўз эҳтиёжлари учун сарфлаб юборган шахс қўлга олинди
Фирибгарга жиноят иши қўзғатилди
Термиз шаҳри “Меҳробод” маҳалласида яшовчи М.Чори шаҳар ИИБга таниши Ф. Воҳид 2019 йил май ойида қурилиш маҳсулоти етказиб бериш учун 800 миллион сўм олиб, қайтариб бермаганини билдирган. Бу ҳақда Сурхондарё вилояти ИИБ ахборот хизмати маълум қилди.
Тергов жараёнида Ф.Воҳид ушбу пулларнинг ҳаммасини ўз эҳтиёжларига сарфлаб юборганини айтган.
Мазкур ҳолат юзасидан Ф.Воҳидга нисбатан Жиноят кодексининг 168-моддаси 4-қисми билан жиноят иши қўзғатилган.
Бундан аввал Сурхондарёда 19 йилга қамалган маҳбусни 70 минг доллар эвазига қамоқдан чиқариб бермоқчи бўлган шахс ушлангани ҳамда Қувасойда чет давлатга ишга юборишни ваъда қилиб, алдаган шахсга жиноят иши қўзғатилгани ҳақида хабар
берилганди.
Муножат Валиева
