Андижон туманидан автомашина олиб қочган шахс Наманган шаҳридан ушланди
Андижонда фуқаро А.Р. томонидан бошлиғига тегишли бўлган “Собалт” русумли автомашина олиб қочилган.Бу ҳақда Андижон вилояти Ички ишлар бошқармаси хабар бермоқда.
Бу воқеа жорий йилнинг 28 июль куни соат 16:00 ларда Андижон тумани Хўжа МФЙ ҳудудида жойлашган озиқ овқат дўкони олдидаги автотураргоҳда содир бўлган.
Кўрилган тезкор чоралар натижасида фуқаро А.Р. “Собалт” автомобилини Наманган шаҳар ИИО ФМБ жойлашган ҳудуд яқинида бошқариб юрган вақтида ушланган.
Мазкур ҳолат юзасидан А.Р.га нисбатан Андижон тумани ИИБ ҳузуридаги тергов бўлинмаси томонидан шу йилнинг 29 июль куни Ўзбекистон Республикаси Жиноят кодексининг 267-моддаси 1-қисми билан жиноят иши қўзғатилиб, Ўзбекистон Республикаси ЖПКнинг 221-моддаси тартибида ушланган ҳолда дастлабки тергов ҳаракатлари олиб борилмоқда.
