АҚШдаги сув тошқинлари сўнгги 30 йилдаги энг йирик таббий офат сифатида баҳоланяпти
АҚШнинг Теннесси штатидаги сув тошқинларида 20 дан зиёд киши ҳалок бўлди, 40 га яқин одам бедарак йўқолган. Бу ҳақда “Associated Press” округ шерифи маълумотларига таяниб хабар қилмоқда.
Қутқарувчилар одамларни излашда давом этмоқда.
Жума кунидан бери ёғаётган ёмғир дарёда сув сатҳи кескин кўтарилишига сабаб бўлди. Айрим туманларда суткалик ёғингарчилик миқдори рекорд даражага етди.
Сув оқими йўлларни ювиб, уй ва автомобилларни оқизиб кетди. Ҳудудда алоқа ва электр таъминотида узилишлар кузатилмоқда. Бу сўнгги 30 йилдаги энг йирик таббий офат сифатида баҳоланмоқда. Штатда фавқулодда ҳолат режими жорий этилди. Маҳаллий метеорологлар вазиятни ҳалокатли, деб баҳоламоқда.
Шаҳар мэри Уэверли Бадди Фрейзернинг айтишича, табиий офат шаҳардаги сув тозалаш станцияларидан бирини вайрон қилган.
"Фред" тропик бўрони бир неча кун олдин қўшни Шимолий Каролина штатига ҳам ёпирилган эди. Қутқарувчилар бедарак йўқолганларни излашда давом этмоқда. Сув тошқинлари бу штатда 5 киши ҳаётига зомин бўлди.
Шарофат Маҳмудова
