Эндиликда спортчилар ҳам ОТМга имтиҳонсиз кириши имкониятига эга
2021/2022 ўқув йилидан бошлаб Олимпия ва Паралимпия, Осиё ва Параосиё ўйинлари ва жаҳон чемпионатларидап охирги уч йилда ғолиб ва совриндор (1– 3-ўрин) бўлган спортчи-ўқувчилар давлат ОТМга имтиҳонларисиз қабул қилинади.
Олий ва ўрта махсус таълим вазирлигининг билдиришича, бундай спортчи-ўқувчилар бакалавриат таълим йўналишларига кундузги, сиртқи ва кечки таълим шаклларига қўшимча давлат гранти асосида кириш имтиҳонларисиз қабул қилинади.
Бунда Олимпия ва Паралимпия, Осиё ва Параосиё ўйинлари ва жаҳон чемпионатида ғолиб ва совриндор (1-3 ўрин) бўлган спортчи-ўқувчилар қабул қилинадиган бакалавриат таълим йўналишлари рўйхати Туризм ва спорт вазирлиги, Олий ва ўрта махсус таълим вазирлиги ҳамда тизимида ОТМ бўлган вазирлик ва идораларнинг асослантирилган таклифларига мувофиқ Давлат комиссияси томонидан тасдиқланади.
Тасдиқланган рўйхат Туризм ва спорт вазирлигининг расмий веб-сайтида эълон қилинади.
