Таъкидлаш жоизки, ушбу интервью халқаро экспертлар диққат эътиборида бўлиб турган катта воқеа бўлди. Хусусан, бундан аввалроқ Испаниянинг етакчи нашрлардан бири бўлган «De Aqui El Periodico» ҳам ўз саҳифаларида давлатимиз раҳбари интервьюсининг тўлиқ матнини эълон қилганди, деб хабар бермоқда “Дунё” АА мухбири.
Бундан ташқари, кўплаб етакчи хорижий оммавий ахборот воситалари сермазмун ва дастурий интервьюни таржима қилиб, ўз манбаларида чоп этмоқда. Бу, шубҳасиз, Ўзбекистоннинг замонавий ривожланишига ва мамлакатда амалга оширилаётган кенг кўламли ўзгаришларга хорижда катта қизиқиш борлигидан далолат беради. Бугунги кунгача Ислом ҳамкорлик ташкилотининг «OIC Today» ихтисослаштирилган журнали, Хитойнинг «Psearcher» журнали электрон портали, Покистоннинг «The Daily Spokesman» ва «The Daily Ittehad» газеталари, «Pakistan in the World» журнали, «Pakistan Economic Net» ахборот портали, Италиянинг «Lo Spessore» онлайн-журнали, Кувайтнинг «The Times Kuwait» газетаси ва бошқа манбалар давлатимиз раҳбари интервьюсини турли тилларда эълон қилди.