Эстрада хонандаси Ж.У. томонидан вояга етмаган қизнинг зўрлангани айтилаётган ҳолат бўйича жиноят иши қўзғатилди

Самарқандда вояга етмаган қизнинг эстрада хонандаси ва унинг дўстлари томонидан зўрлангани айтилаётган ҳолат бўйича жиноят иши қўзғатилди. Терговни Самарқанд вилоят ИИБ Тергов бошқармаси олиб бормоқда. Бу ҳақда Kun.uz хабар берди.

Kun.uz сайтида лицейнинг биринчи курсини эндигина тамомлаган самарқандлик қизнинг номусига тегилган бўлиши мумкинлиги ҳақида журналист суриштируви эълон қилинганди. Каттақўрғон туман ИИБ мазкур ҳолатда жиноят аломатлари бўлмаган, деб топиб, жиноят иши қўзғатишни рад этган эди.

Мақола эълон қилингач, Самарқанд вилоят прокуратураси Каттақўрғон туман ИИБ Тергов бўлимининг жиноят иши қўзғатишни рад этиш ҳақидаги қарорини бекор қилиб, ишни қўшимча ўрганиш учун қайтарганди.

Қўшимча терговга қадар текширув ҳаракатлари натижасига кўра, ҳолат юзасидан Жиноят кодексининг 118-моддаси (Номусга тегиш) билан жиноят иши қўзғатилган. Буни жабрланувчининг яқинлари ва Kun.uz’нинг ички ишлар идораларидаги манбаси тасдиқлади.

Дастлабки тергов ҳаракатларини Самарқанд вилоят ИИБ Тергов бошқармаси олиб бораётгани айтилмоқда.

«Вазиятни прокуратура назоратга олгач, Каттақўрғон туманига бориб, ҳодиса содир бўлган уй ИИБ вакиллари ҳамроҳлигида ўрганилди. 10 октябрь куни жиноят иши қўзғатилди. Шундан сўнг терговга чақиришди. Терговга Ж.У. ҳам чақирилганди, аммо ўша воқеа содир бўлган кунда хонанданинг ёнида турган икки шериги келди, холос.

Истардикки, бу сафар тергов бир томонлама бўлиб қолмайди, холислик таъминланади», – дейди қизнинг отаси.

Kun.uz масала юзасидан вилоят ИИБ билан боғланди.

«Ҳақиқатан ҳам қиз ўша куни ўзини зўрлангани ҳақида айтмоқда. Зўрлаш ва номусга тегиш аломатлари бўлгани сабабли жорий йилнинг 10 октябрида ҳолат юзасидан жиноят иши қўзғатилди. Ҳозирги вақтда дастлабки тергов ҳаракатлари олиб борилмоқда.

Инсон шаъни ва қадр-қиммати билан боғлиқ бўлгани сабабли терговнинг бошқа тафсилотлари ошкор қилинмайди. Тергов якунига кўра, қонуний қарор қабул қилиниши таъминланади», – деди Kun.uz суҳбатлашган вилоят ИИБ расмийси.

Жиноят кодексининг 118-моддасига кўра, номусга тегиш, яъни зўрлик ишлатиб, қўрқитиб ёки жабрланувчининг ожизлигидан фойдаланиб, жинсий алоқа қилиш, содир этилган жиноятнинг оғирлик даражасига қараб 3 йилдан 20 йилгача озодликдан маҳрум қилиш билан жазоланади.

(Visited 3 906 times, 1 visits today)
Йиғилиш

Залишити відповідь

Ваша e-mail адреса не оприлюднюватиметься. Обов’язкові поля позначені *

Комментарии

  • N 11:27, 23 Жовтня 2020

    H

  • Farrux 11:32, 23 Жовтня 2020

    Qonuniy jazo qoʻllash kerak

  • Zuxridin 23:37, 23 Жовтня 2020

    Jazosini olsin kim bulsaxam kim qayirga qarayapti agar kuz yumulsa bu ishga irtaga boshqasi xam shu axvolga tushmaydi dib kim javob biradi

  • Asad 11:22, 5 Листопада 2020

    Faqat Toshkent ,Vodiy Buxoro kamchiliklari xal bo’laveradi biz Surxondaryoliklarni tinglaydigan insonlar bor deb o’ylaymiz va xali xam umidvormiz. Qo’shni ko’chada elektir bo’laturib bizning bolalarimiz qorong’uda ovqatlasa dars qilsa na ichimlik suvi bor na gazi shunga qaramay yashab kelayapmiz xudoga shukur qilib.Umringizdan baraka topkurlar ildimos yordam beringlar deb,Jarqo’rgon tumani Qora yontoq maxallasidan Tillayev Asad +998907460820