Фарғона вилояти халқ таълими бошқармаси Қўштепа туманидаги 22-мактаб ўқувчиси ўқитувчи билан жанжаллашиб, деразадан сакраб тушгани акс этган видеога муносабат билдирди.

Маълум бўлишича, видео ижтимоий тармоқларда бир кун аввал тарқалган ва фойдаланувчилар қиз иккинчи қаватдан сакраганини тахмин қилишган. Видеода ўқитувчи қизни уришади, унинг юзига уради, жим туриши учун бақириб, баҳо қўймаслигини айтади. Шундан сўнг мактаб ўқувчиси деразадан сакраб тушганидан кейин ўқитувчи унинг ота-онасини сўкади.

Фарғона вилояти ХТБ ўз баёнотида 8-синф ўқувчиси ўқитувчисидан кимё дарси вақтида калитни уйига ташаб келиш учун рухсат сўрагани айтилган. Ўқитувчи дарс тугашига 5 дақиқа қолганини айтган. Шунга қарамай, қиз синфдан дераза орқали чиқиб кетган. Ўқитувчи уни яна синф хонасига олиб кириб танбеҳ берган, бироқ ўқувчи қиз яна деразадан қочиб кетган.

Воқеа қизнинг синфдоши томонидан суратга олинган. Синф биринчи қаватда жойлашган. Мактаб ўқувчиси ҳеч қандай жароҳат олмаган, дейилади хабарда.

Фарғона вилояти ХТБ мазкур ҳолат назоратга олинганини, ўрганиш давом этаётганини ва натижаси бўйича маълумот берилишини айтган.