Joriy yilning noyabr oyida Dubayda 82 qavatli mehmonxona ochilishi kutilmoqda. Bu haqida Dubay hukumati maʼlum qildi.
Qayd etilishicha, u dunyodagi eng baland mehmonxona bo‘lib, shaharning yangi ramziga aylanadi. Marina tumanida joylashgan majmua balandligi 377 metrga yetadi.
Hozirda dunyodagi eng baland mehmonxona Gevora mehmonxonasi bo‘lib, u ham Dubayda joylashgan va balandligi 356 metr.
Maʼlumot uchun, dunyodagi eng baland osmono‘par bino — Burj Xalifa ham Dubay shahrida joylashgan. U 163 qavat bo‘lib, balandligi 828 metrni tashkil etadi.