Eronning Yezd viloyatida gripp bilan bog‘liq o‘lim holatlari soni oshmoqda. Bu haqda Yezd Tibb fanlari universiteti prorektori Masud Sharifiy ma’lum qilgan.
Rasmiy ma’lumotlarga ko‘ra, yil boshidan buyon viloyatda 1 118 nafar bemorda gripp aniqlangan, ulardan 13 nafari kasallik oqibatida vafot etgan. Qurbonlarning aksariyati yoshi katta va surunkali kasalliklarga ega bo‘lgan shaxslar ekani aytilmoqda.
Sharifiyning so‘zlariga ko‘ra, o‘lim holatlarining oltitasi yoz boshida, qolgan yettitasi esa so‘nggi haftalarda qayd etilgan.