Joriy yilning 4-sentabr kuni soat 18:30 atrofida Yangiyoʻl shahrining “Samarqand” koʻchasida 21–30 yosh oraligʻidagi toʻrt nafar fuqaro oʻzaro kelishmovchilik sabab janjallashgani aniqlangan.
Tergov organlari axborotiga koʻra, ayrim manbalarda aytilganidek, hodisa vaqtida tigʻli jism qoʻllanilmagan va “pichoqbozlik” holati yuz bermagan.
Mazkur holat yuzasidan Oʻzbekiston Respublikasi Jinoyat kodeksining 277-moddasi (Bezorilik) doirasida jinoyat ishi qoʻzgʻatildi.
Jinoyat ishi doirasida janjalda ishtirok etgan shaxslarga nisbatan qonunda belgilangan tartibda choralar koʻriladi. Qonun ustuvorligi va jazo muqarrarligi taʼminlanishi taʼkidlandi.