Qatar hukumati G‘azo sektorida o‘t ochishni to‘xtatish yuzasidan muzokaralarda vositachilikka qaytish masalasida bir qator talablarni ilgari surdi.
Xususan, Doha tomoni Isroildan yaqinda Qatar hududiga uyushtirilgan zarbalar uchun rasmiy uzr so‘rashni talab qilmoqda. Shuningdek, hujum oqibatida halok bo‘lgan qo‘riqchi oilasiga moddiy tovon to‘lash va kelajakda Qatar suvereniteti buzilmasligiga qat’iy kafolat berishni so‘ragan.
Mazkur shartlar Isroil strategik ishlar vaziri Ron Dermerga AQSh prezidenti Donald Trampning maxsus vakili Stiv Vitkoff orqali yetkazilgani aytilmoqda.
Ma’lumot uchun, Qatar so‘nggi yillarda G‘azo sektorida Isroil va “Hamas” o‘rtasidagi nizolarda asosiy vositachi sifatida faoliyat yuritib kelmoqda. Dohadan vositachilik mexanizmlarining davom etishi uchun Isroilning rasmiy javobi kutilmoqda.