Ushbu soxta mansabdorlar hatti-harakati jamiyatdagi fuqarolar haq-huquqlarining poymol bo‘lishi, firibgarlar o‘ljasiga aylanib qolishi, davlat hokimiyati organlari, huquqni muhofaza qiluvchi tashkilotlarga nisbatan ishonchni yo‘qolishiga sabab bo‘ladi.
Yaqinda 1966 yil Toshkent shahri Olmazor tumanida tug‘ilgan, vaqtincha ishsiz I.I. qo‘lgan olindi. Tadbir davomida undan O‘zbekiston Respublikasi Prezidenti Administratsiyasi xodimiga tegishli qalbaki guvohnoma ashyoviy dalil sifatida olib qo‘yildi.
Mazkur ish yuzasidan to‘plangan hujjatlar tergov bo‘limiga taqdim etilib O‘zbekiston Respublikasi Jinoyat kodeksining 228 moddasi 1 qismi, yaʼni hujjatlar, shtamplar, muhrlar, blanklar tayyorlash, ularni qalbakilashtirish, sotish yoki ulardan foydalanish alomati bilan jinoyat ishi qo‘zg‘atildi.
Jinoyat ishi bo‘yicha Mirobod sudida mazkur voqea atroflicha o‘rganildi, uning sababchisiga qonunuy baho berildi.
Sud jinoiy ish hujjatlarini ko‘rib, hukm chiqardi. O‘zbekiston Respublikasi Jinoyat kodeksining 228 moddasi 1 qismida nazarda tutilgan jinoyatni sodir etgan fuqaro I.I aybdor deb topilib, oylik ish xaqining 15 foizini davlat daromadi hisobiga ushlab qolish, 2 yil muddatga axloq tuzatish ishlari jazosi tayinlandi.
Munojat Valiyeva