Kecha, 19 sentyabr kuni Toshkent shahrining Yangihayot tumanida yo‘lovchi avtobus piyodani urib yubordi. Bu haqida shahar IIBB YHXB xabar berdi.
Qayd etilishicha, hodisa soat 07:00 larda Yangihayot tumani Choshtepa 2-darajali yo‘li ko‘chasida yuz bergan. Unda “Yutong” rusumli avtobus haydovchisi, 2007 yilda tug‘ilgan piyodani urib yuborganligi natijasida yo‘l transport hodisasi sodir bo‘lgan.
YTH natijasida, piyodaga birinchi tez tibbiy yordam ko‘rsatilgan. Mazkur holat yuzasidan Toshkent shahar IIBB YHXB masʼul xodimlari tomonidan surishtiruv ishlari olib borilmoqda.