Kecha tushdan keyin Ukraina qurolli kuchlarining uchuvchisiz dronlari Novorossiyskka havodan va dengizdan hujum qildi.
Krasnodar o‘lkasida Ukraina dronlari bir vaqtning o‘zida ham shahar, ham portga zarba bergan. Natijada 2 kishi halok bo‘lgan, 11 kishi yaralangan.
Ayni paytda hududda favqulodda holat eʼlon qilindi. Bu hujum Rossiya uchun katta zarba sifatida baholanmoqda.
Mintaqaviy tezkor guruh maʼlumotlariga ko‘ra, Novorossiyskdagi hujumda yettita turar-joy binosi, jumladan, “Novorossiysk” mehmonxonasi zarar ko‘rgan. Shevchenko ko‘chasidagi ko‘p qavatli uylardan birining tom qismi yonib ketdi.
Shuningdek, 20 ta mashina shikastlangan, ulardan uchtasi butunlay yonib ketgan.