Rossiya Davlat dumasi raisi Vyacheslav Volodin mamlakatga kelayotgan xorijlik mehnat migrantlariga murojaat qilib, ularni Rossiyaga oilalarini olib kelmaslikka chaqirdi. Bu haqda u o‘zining Telegram kanalida xabar qildi.
Volodinning so‘zlariga ko‘ra, Davlat Dumasida noqonuniy migratsiya bilan bog‘liq masalalar allaqachon muhokama qilingan hamda aniq takliflar ilgari surilgan.
“Mehnat migratsiyasi deganda gap faqat ishlash haqida ketmoqda. Odamlar ishlash uchun kelib, keyin vatanga qaytishlari kerak. Oilalar va bolalarni bu jarayonga jalb qilishning hojati yo‘q, bu boshqa talablarni yuzaga keltiradi”, — deya ta’kidladi spiker.