Xitoy shimolidagi Shinjon-Uyg‘ur avtonom tumanidagi landshaft bog‘ida osma ko‘prik qulab tushdi. Bu haqida “Sinxua” axborot agentligi xabar berdi.
Qayd etilishicha, ko‘prikni ushlab turgan po‘lat arqonlardan biri uzilgach, ko‘prik og‘ib ketgan va undagi 29 kishi tushib ketgan.
Hodisa oqibatida 5 kishi halok bo‘ldi, yana 24 kishi turli darajadagi tan jarohatlari olgan.
Hozirda bog‘ tashrif buyuruvchilar uchun yopilgan, hodisa sabablari o‘rganilmoqda.