МИБ ахборот хизматига кўра, Фуқаролик ишлари бўйича Андижон туманлараро судининг ижро ҳужжатига асосан қарздор А.А.дан ундирувчи о.М. фойдасига бир нафар фарзандининг таъминоти учун алимент ундириш белгиланган.
Ижро ҳужжати Мажбурий ижро бюроси Андижон шаҳар бўлими иш юритувига келиб тушгач, давлат ижрочилари томонидан тегишли ижро ҳаракатлари амалга оширилди.
Ижро ҳаракатлари давомида қарздор фарзандини 18 ёшгача таъминлаш учун мўлжалланган алимент тўловларини олдиндан тўлаш истагини билдирган. Тарафлар ўртасидаги келишув асосида, ундирувчи собиқ турмуш ўртоғидан 1,2 миллиард сўмдан ортиқ миқдордаги 10 йиллик алиментни олдиндан олганлигини маълум қилиб, бу ҳақда тилхат тақдим этган.