Қочқинларнинг аксарияти Польшага ўтган. Польша чегарачиларига кўра, 38 минг киши машинада ва пиёда келган. Чегара ҳудудларда маҳаллий Польша ҳукумати қочқинларни қабул қилиш марказларини ташкил қилмоқда.
Кўпчилик шошилинч равишда эвакуация қилинганлиги сабабли керакли буюмлари, ҳужжатларини ҳам олмаганини айтмоқда.
Шунингдек, бир неча минг украиналиклар Руминияга пиёда, машиналарида ва паромларда келишди. Улар асосан ушбу мамлакатда қариндошлари ва танишлари бўлганлардир. Баъзи руминияликлар бирдамлик белгиси сифатида қочқинларни керакли жойга олиб кетишни таклиф қилишмоқда.