Ҳонгконгдаги “Wang Fuk Court” турар жой мажмуасида юз берган йирик ёнғин 28 ноябрга келиб “тўлиқ ўчирилган” деб эълон қилинди. Фожиа оқибатида қурбонлар сони камида 128 кишига етди, яна 200 киши бедарак йўқолганлар рўйхатида. Мустақил коррупцияга қарши комиссия иш юзасидан 8 кишини ҳибсга олди.
Ўзбекистон Ташқи ишлар вазирлиги матбуот котиби Аҳрор Бурҳоновнинг маълум қилишича, ҳозирги вақтда ҳалок бўлганлар ва жароҳат олганлар орасида Ўзбекистон фуқаролари йўқ. Дипломатик ваколатхоналар маҳаллий ҳокимият билан алоқада бўлиб, зарур ҳолларда фуқароларга ёрдам кўрсатишга тайёр.
Ёнғин жорий ҳафтада бошланди ва тез тарқалган бамбоқ конструкциялари сабаб етти бино бутунлай олов билан қопланиб кетган. Шаҳар тарихидаги энг ҳалокатли воқеа бўлиб, қутқарувчиларга 2 300 нафардан ортиқ одам жалб қилинди; 79 киши жароҳатланган, шулардан 12 нафари ўт ўчириш ходими, бир нафари эса ҳалок бўлган.
Расмий маълумотларга кўра, ҳозирда қурбонлар сони ошиши мумкин. Воқеа юзасидан 8 киши, жумладан бир аёл, ҳибсга олинган, уларнинг орасида субпудратчилар, инжиниринг ва лойиҳалаштириш компаниялари раҳбарлари ҳам бор. ТИВ фуқароларни зарурат бўлганда Хитойдаги элчихона ва консулликларга мурожаат қилишга чақирмоқда.