Жазоирнинг Хараш туманида автобус кўприкдан дарёга қулаши оқибатида 18 киши ҳалок бўлди, яна тўққиз киши жароҳатланди. Бу ҳақида Жазоир фуқаролик мудофааси баёнотида маълум қилинди.
"Йўловчи автобус йўлдан сирғалиб кетган ва кўприкдан Ал-Муҳаммадия ҳудудига — Хараш туманидаги дарё ўзанига қулаган”, — дейилади хабарда.
Маҳаллий матбуотнинг ёзишича, автобусда 35 га яқин йўловчи бўлган. Жароҳатланганлардан икки нафари оғир аҳволда касалхонага ётқизилган.
Ҳодиса оқибатларини бартараф этиш учун жами 25 та тез тиббий ёрдам машинаси, 16 та ғаввос ва тўртта қайиқ сафарбар этилган.