Латвияда президент Эдгарс Ринкевисс, бош вазир Эвита Силина ва бошқа юқори лавозимли давлат амалдорларининг фотосурат ҳамда видеоларини интернетда чоп этишни тартибга солувчи янги тақиқ кучга кирди. Латвия Инсон ҳуқуқлари бўйича идораси маълумотига кўра, ушбу чекловнинг жорий этилишига амалдорлар ҳақидаги тасвирларнинг ортиқча ва асоссиз равишда кўп эълон қилинаётгани сабаб бўлган.
Янги қоидаларга биноан, давлат амалдорларининг фотосуратларини олиш ёки тарқатиш фақат холис, асосли зарурат мавжуд бўлган тақдирда рухсат этилади. Расмийлар фикрича, сўнгги пайтларда амалдорлар тасвирлари бўйича нашрлар ҳаддан зиёд кўпайган ва улар кўпинча ҳеч қандай қонуний эҳтиёжга асосланмаган.
Белгиланган тақиқни бузган шахслар маъмурий жавобгарликка тортилиши мумкин. Айрим оғирроқ ҳолатларда эса қоидабузарлар жиноят иши бўйича ҳам жавоб бериши эҳтимолдан холи эмас.