Агар Путин уч томонлама учрашувдан бош тортса, Россияга қарши санкциялар кучайтирилиши лозим. Бу ҳақида Украина президенти Владимир Зеленский ўз Telegram каналида маълум қилди.
“Биз ҳақиқий ва узоқ давом этадиган тинчликка эришишимиз зарур, бу Россиянинг навбатдаги босқинлари орасидаги яна бир танаффусга айланмаслиги керак”, — деб ёзди Зеленский.
Украина етакчиси, шунингдек, Қўшма Штатларни Россияга босимни сақлаб қолишга чақирди.
“Мен президент Трамп билан суҳбатда агар уч томонлама учрашув бўлмаса ёки Путин урушни адолатли якунлашдан қочса, Россияга қарши санкциялар кучайтирилиши кераклигини айтдим”, — дея қўшимча қилди Зеленский.