Президент Администрацияси раҳбари Саида Мирзиёева гиёҳванд моддалар савдоси, жиноий гуруҳлар фаолияти ва ноқонуний қурол-аслаҳа айланишига қарши курашиш бўйича кенгайтирилган йиғилиш ўтказилганини маълум қилди. Учрашувда мазкур йўналишларда қисқа муддатда самарали, мувофиқлаштирилган тизим яратиш вазифаси куч тузилмалари раҳбарлари олдига қўйилди.
Мирзиёева таъкидлашича, гиёҳвандлик ва унга боғлиқ жиноятлар жамият хавфсизлиги учун жиддий таҳдид бўлиб, айниқса ёшлар орасида дори воситаларининг тарқалишига йўл қўймаслик давлатнинг устувор вазифаларидан биридир. У бу борадаги ҳар қандай ноқонуний фаолиятга қатъий чоралар кўрилишини қайд этди.
“Ёш авлодни гиёҳвандлик балосидан асраш, фуқаролар хавфсизлигини таъминлаш — давлатнинг бевосита бурчи. Бу йўналишда қонун бузилишига мутлақо йўл қўйилмайди”, — дея ёзди Саида Мирзиёева ўз баёнотида.