Кеча, 29 сентябрь куни Тошкент шаҳрининг Яшнобод туманида автобус ва юк машинаси иштирокида йўл-транспорт ҳодисаси юз берди. Бу ҳақида шаҳар ИИББ ЙҲХБ расмий ахборот берди.
Қайд этилишича, соат 21:20 ларда Яшнобод тумани Жарқўрғон кўчасида ЗИЛ русумли юк автомашинаси ва YUTONG русумли автобус ўзаро тўқнашуви оқибатида йўл транспорт ҳодисаси содир бўлган.
ЙТҲ натижасида тан жароҳати олганлар йўқ. Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.