Ayollar jurnalistikasi yanada faollashadi
O‘zbekiston jurnalistlar uyushmasi qoshidagi “Jurnalist ayollar kengashi”ning navbatdagi yig‘ilishi bo‘lib o‘tdi.
2026- yilning 15-aprel kuni O‘zbekiston jurnalistlar uyushmasi qoshidagi “Jurnalist ayollar kengashi”ning navbatdagi yig‘ilishi bo‘lib o‘tdi. Unda jurnalistlar, olimlar, tadqiqotchilar va matbuot kotiblari ishtirok etdi.
Tadbirda zamonaviy media makonida ayollarning o‘rni, O‘zbekiston jurnalistlar uyushmasi faoliyatida ayollarning ishtirokini kuchaytirish masalalari muhokama qilindi. Davra suhbatida bugungi kun jurnalist ayollarining ijtimoiy va kasbiy qiyofasini shakllantirish bo‘yicha o‘zaro fikr almashildi.