Франция чемпионати. Мбаппенинг голи “ПСЖ”га ғалаба келтирди
Кеча Франция чемпионати 10-тури доирасидаги дастлабки учрашув “ПСЖ” ҳамда “Анже” клублари ўртасида бўлиб ўтди.
Учрашувнинг 36-дақиқасида Фюлжени меҳмонларни ҳисобда олдинга олиб чиққан бўлса, 69-дақиқада Перейра фарқни тенглаштирди. 87-дақиқага келиб эса Мбаппе пенальтидан фойдаланиб, Париж клубига ғалаба келтирди.
Қайд этиш жоиз, шу куни Месси ва Неймар гарчи стадионда бўлишса-да, лекин Парижга миллий жамоалари ўйинидан кейин етиб келгани боис майдонга тушмади.
Эслатиб ўтамиз, айни пайтда “ПСЖ” 27 очко билан 1-ўринда бораётган бўлса, “Анже” 16 очко билан 4-ўринда қолди.
Аввалроқ Месси бразилиялик футболчини хаёлпарастликда айблагани ва Франция президенти ҳамда Арсен Венгер афсоналар терма жамоасида хайрия ўйинида қатнашгани ҳақида хабар берилганди.
Жамшидбек Амиров
