Қандаҳорда қонли теракт: яна шиа масжиди портлатилди
Афғонистоннинг Қандаҳор шаҳрида теракт содир этилди. Бу ҳақда “Спутник Афганистан” хабар берди.
Маълумотларга кўра, портлаш шаҳардаги шиа масжидларидан бирида содир этилган. Гап Қандаҳордаги Имом–Баргоҳ масжиди ҳақида кетмоқда. Бу теракт ҳам ўтган жумада Қундуздаги каби, жума намози пайтида амалга оширилган. Террорчи-ҳудкуш ибодат пайти ўзини ўзи портлатиб юборган. Ҳодиса оқибатида ҳозирда 7 киши ҳалок бўлагни айтилмоқда.
Катта эҳтимол билан бу теракт ҳам ИШИД томонидан содир этилган.
Ўтган жума куни Қундуз шаҳрида ҳам худди шундай портлаш юз берган эди. Унинг оқибатида юздан ортиқ киши ҳалок бўлган, 200 дан ортиғи жароҳатланган. Терактга жавобгарликни ИШИД ўз зиммасига олди.
Аввалроқ Термизга БМТнинг Афғонистон учун ажратган гуманитар ёрдами етиб келгани ҳамда “Толибон” Афғонистонда ИШИД хавфи мавжуд эмаслигини айтгани хабар қилинганди.
