Самбо бўйича жаҳон чемпионатини ҳамюртларимиз муваффақиятли бошлади
Бугундан бошлаб Грециянинг Салоники шаҳрида самбо бўйича ёшлар ва ўсмирлар ўртасида жаҳон чемпионатига старт берилди.
Мусобақанинг дастлабки кунги беллашувларида жами 7 нафар ҳамюртимиз ғолиблик учун гиламга чиқди. Қувонарлиси, уларнинг барчаси якунда шоҳсупага кўтарилишга муваффақ бўлди. Жумладан, якунига етган бугунги беллашувларда ўсмирлардан Эгамберган Искагдаров (-53 кг) ҳамда Гулҳаё Жўраева (-50 кг) олтин медал соҳибига айланди. Яна бир ҳамюртимиз Эъзоза Абдумўминова эса (-47 кг) кумуш медални қўлга киритди.
Беҳруз Омонов, Шахзода Азатова, Мурод Эркинов ва Дилрух Аслиддинова эса бронза медали соҳиби бўлди.
Аввалроқ самбочиларимиз Татаристондан учта медал билан қайтгани ва триатлон бўйича Осиё кубоги якунига етгани ҳақида хабар берилганди.
Жамшидбек Амиров
