Musobaqaning asosiy yo‘nalishida jami 40 nafarga yaqin professional sportchilar g‘oliblik uchun bahs olib bordi. Dastlabki kunda sprint yo‘nalishida kechgan musobaqalar murosasiz ruhda kechdi.
Reglamentga ko‘ra, sportchilar dastlab 750 metr masofani suzib o‘tdi, so‘ngra 20 km masofada velopoyga tashkil etildi. Uchinchi bosqichda triatlonchilar 5 km masofani yugurgan holda bosib o‘tdi.
Natijalarga ko‘ra, ayollar o‘rtasida polshalik Paulina Klimas, erkaklar o‘rtasida esa marokashlik Badr Sivane g‘olib bo‘ldi. G‘olib va sovrindorlar ro‘yxati quyidagicha ko‘rinish oldi:
Erkaklar:
1. Badr Sivane (Marokash) – 55:32
2. Matsey Bruzdyak (Polsha) – 55:36
3. Vitali Voronsov (Ukraina) – 55:41
Ayollar:
1. Paulina Klimas (Polsha) – 1:01.16
2. Yeva Daniyels (Lyuksemburg) – 1:01.44
3. Liza Berger (Shveysariya) – 1:01.42
10 oktyabr kuni esa ushbu sport turi bo‘yicha havaskorlar o‘zaro bellashdi. G‘olib va sovrindorlar esdalik sovg‘alari bilan taqdirlandi.
Avvalroq, og‘ir atletikachilarimiz jahon chempionatini bronza medali bilan boshlagani va sambochilarimiz Tataristondan uchta medal bilan qaytgani haqida xabar berilgandi.