Серхио Рамоснинг “ПСЖ”даги дебюти яна қолдирилди
Ёзда “Реал Мадрид” клубидан эркин агент сифатида парижликлар сафига қўшилган 35 ёшли испаниялик футболчи 15 октябрь куни Франция чемпионати доирасида “Анже”га қарши ўйинда майдонга тушиши кутилганди.
Бироқ испаниялик футболчи “ПСЖ”нинг бугунги машғулотида иштирок этмади. У 19 октябрь куни Европа чемпионлар лигасида “РБ Лейпсиг”га қарши ўйинда ҳам майдонга тушолмаслиги мумкин.
Эслатиб ўтамиз, Серхио Рамос “ПСЖ” сафида жароҳати туфайли ҳалигача асосий ўйинда қатнаша олгани йўқ. Париж клуби ҳозирда Франция чемпионатида 24 очко билан турнир жадвалида биринчи ўринда бормоқда.
Аввалроқ, “Байер” ва “Лион” Азмунни қўлга киритмоқчи эканлиги ва “Виляреал” Серж Оре билан шартнома имзолагани ҳақида хабар берилганди.
Жамшидбек Амиров
