Maʼlum qilinishicha, ushbu jahon chempionatida ham O‘zbekiston terma jamoasi to‘liq tarkib bilan ishtirok etishi kutilmoqda.
Eʼtiborlisi, terma jamoa tarkibiga 2017 yilgi jahon chempioni Shahram G‘iyosov va 2016 yilgi Olimpiya chempioni Hasanboy Do‘smatov ham kiritilgan. “Tokio-2020” Olimpiadasi chempioni Bahodir Jalolov bu safar musobaqada ishtirok etmaydigan bo‘ldi.
Terma jamoa to‘liq tarkibi quyidagicha ko‘rinish oldi:
-48 kg. Nodirjon Mirzahmedov
-51 kg. Hasanboy Do‘smatov
-54 kg. Shahobiddin Zoirov
-57 kg. Mirazizbek Mirzahalilov
-60 kg. Abdumalik Xalokov
-63,5 kg. Mujibullo Tursunov
-67 kg. Asadxo‘ja Mo‘ydinxo‘jayev
-71 kg. Shahram G‘iyosov
-75 kg. Saidjamshid Jafarov
-80 kg. Odiljon Aslonov
-86 kg. Shohjahon Abdullayev
-92 kg. Madiyar Saidrahimov
+92 kg. Lazizbek Mullajonov
Shuningdek, terma jamoaning asosiy tarkibidan Nodir Mirzahmedov, Shahobiddin Zoirov, Miraziz Mirzahalilov, Abdumalik Xalokov, Mujibullo Tursunov, Asadxo‘ja Mo‘ydinxo‘jayev, Saidjamshid Jafarov, Odil Aslonov, Shohjahon Abdullayev, Madiyor Saidrahimov, Laziz Mullajonov joy oldi. Bokschilar bosh murabbiy Marat Qurbonov rahbarligida mashg‘ulotlar olib bormoqda.
Ma'lumot uchun, 2019-yilda tashkil etilgan so‘nggi jahon chempionatida o‘zbekistonlik bokschilar 3 ta oltin, 1 ta kumush va 1 ta bronza medallarini qo‘lga kiritgan holda umumjamoa hisobida 1-o‘rinni qo‘lga kiritgan edi.
Avvalroq Hasanboy Do‘smatovning jangi bekor bo‘lgani, Markaziy Osiyo chempionatida sportchilarimiz umumjamoa hisobida eng yaxshi ko‘rsatkichni qayd etgani hamda "Cosmopolitan Russia" ekspertlari MDH olimpiya terma jamoalarining formalari bo‘yicha o‘z reytingini tuzgani haqida xabar berilgandi.