Шаҳрам Ғиёсов ва Ҳасанбой Дўсматов жаҳон чемпионатида иштирок этади
Сербиянинг Белград шаҳрида 22 октябрдан 7 ноябргача бокс бўйича жаҳон чемпионати бўлиб ўтади. Бу ҳақда Туризм ва спорт вазирлиги матбуот хизмати хабар берди.
Маълум қилинишича, ушбу жаҳон чемпионатида ҳам Ўзбекистон терма жамоаси тўлиқ таркиб билан иштирок этиши кутилмоқда.
Эътиборлиси, терма жамоа таркибига 2017 йилги жаҳон чемпиони Шаҳрам Ғиёсов ва 2016 йилги Олимпия чемпиони Ҳасанбой Дўсматов ҳам киритилган. “Токио-2020” Олимпиадаси чемпиони Баҳодир Жалолов бу сафар мусобақада иштирок этмайдиган бўлди.
Терма жамоа тўлиқ таркиби қуйидагича кўриниш олди:
-48 кг. Нодиржон Мирзаҳмедов
-51 кг. Ҳасанбой Дўсматов
-54 кг. Шаҳобиддин Зоиров
-57 кг. Миразизбек Мирзаҳалилов
-60 кг. Абдумалик Халоков
-63,5 кг. Мужибулло Турсунов
-67 кг. Асадхўжа Мўйдинхўжаев
-71 кг. Шаҳрам Ғиёсов
-75 кг. Саиджамшид Жафаров
-80 кг. Одилжон Аслонов
-86 кг. Шоҳжаҳон Абдуллаев
-92 кг. Мадияр Саидраҳимов
+92 кг. Лазизбек Муллажонов
Шунингдек, терма жамоанинг асосий таркибидан Нодир Мирзаҳмедов, Шаҳобиддин Зоиров, Миразиз Мирзаҳалилов, Абдумалик Халоков, Мужибулло Турсунов, Асадхўжа Мўйдинхўжаев, Саиджамшид Жафаров, Одил Аслонов, Шоҳжаҳон Абдуллаев, Мадиёр Саидраҳимов, Лазиз Муллажонов жой олди. Боксчилар бош мураббий Марат Қурбонов раҳбарлигида машғулотлар олиб бормоқда.
Маълумот учун, 2019 йилда ташкил этилган сўнгги жаҳон чемпионатида ўзбекистонлик боксчилар 3 та олтин, 1 та кумуш ва 1 та бронза медалларини қўлга киритган ҳолда умумжамоа ҳисобида 1-ўринни қўлга киритган эди.
Аввалроқ Ҳасанбой Дўсматовнинг жанги бекор бўлгани, Марказий Осиё чемпионатида спортчиларимиз умумжамоа ҳисобида энг яхши кўрсаткични қайд этгани ҳамда "Cosmopolitan Russia" экспертлари МДҲ олимпия терма жамоаларининг формалари бўйича ўз рейтингини тузгани ҳақида хабар берилганди.
