Шавкат Мирзиёев наманганлик футбол мухлислари ҳақида фикр билдирди
Бугун ЎзЛиДеПдан президентликка номзод Шавкат Мирзиёев наманганлик сайловчилар билан учрашув чоғида вилоятда футболга бўлган эътибор ҳақида ҳам алоҳида тўхталиб ўтди. Хусусан,
“Наманган аҳлининг футболга бўлган ашаддий қизиқишини нафақат мамлакатимизда, балки қўшни давлатларда ҳам яхши билишади. “Навбаҳор”нинг ишқибозлари Англия, Италия ва Франция футбол фанатларидан сира қолишмайди. Наманганликлар Одил Аҳмедов каби истеъдодли, ватанпарвар футболчини етиштириб бергани билан ҳар қанча фахрланса арзийди. Ўйлайманки, вилоятнинг шаҳар ва қишлоқларида унинг издошлари яна кўплаб топилади. “Навбаҳор” футбол клуби базасида . “Футбол академияси”ни ташкил этиб, Давлатобод туманини спорт шаҳарчасига айлантирсак, нима дейсизлар?!”, — деган таклифни билдирди.
Аввалроқ, ЎФА конгрессида Абдусалом Азизов ва Равшан Эрматов қайта сайлангани ва Ўзбекистон футбол терма жамоасининг кейинги рақиби маълум бўлгани ҳақида хабар берилганди.
Жамшидбек Амиров
