БМТ огоҳлантирди: қочқинлар сони кескин ортиб кетган
Қочқинлар сони рекорд даражага етган.
БМТ маълумотларига кўра, қуролли низолар кучайиши оқибатида ички қочқинлар сони 48 миллион кишига етди. Бу ҳақда БМТнинг ички қочқинлар масаласи бўйича махсус вакили маълум қилди.
“Қуролли низолар ва зўравонлик оқибатида ўз яшаб турган жойини ташлаб кетишга мажбур бўлган одамлар сони дунё бўйлаб 48 миллионга етди. Бу тарихда қайд этилган энг юқори кўрсаткич. Зўравонликнинг тобора кучайиши ва низоларнинг авж олиши халқаро гуманитар ҳуқуқ ва инсон ҳуқуқларига амал қилишни қийинлаштирмоқда”, – деган Сесилья Хименес-Дамари.
Шунингдек, Дамари табиий офатлар ва пандемия зўравонликни кучайтиришини таъкидлади.
Бундан аввал Буюк Британия афғон қочқинлари учун 40 миллион доллар ажратгани ҳамда қочқинлар олимпия терма жамоаси тузилгани хабар қилинганди.
Жаҳонгир Қўзиев
