Бугун очилиши ваъда қилинган боғ ҳамон берк
Мутасаддилар бу гал қандай баҳона ўйлаб топди?
Аввалроқ “Ғафур Ғулом” истироҳат боғи 24 октябрь куни очилиши ҳақида хабар бергандик.
Бугун боғ қурилишига масъул шахслардан бирининг Zamon.uz'га маълум қилишича, унинг очилиши яна бир неча кунга сурилиши мумкин. Бунга Тошкент шаҳрида кузатилаётган ёмғирли об-ҳаво билан боғлиқ вазият сабаб қилиб кўрсатилди.
Бундан аввал эса “Ғафур Ғулом” боғи шу йилнинг 1 сентябрь куни фаолиятини қайта тиклаши айтилганди.
Бундан ташқари мутасаддилар боғнинг очилмаётганига чет элдан келтирилиши керак бўлган аттракционларнинг кечикаётганини сабаб қилганди.
