Аввалроқ Тошкент шаҳридаги “Ғафур Ғулом” парки жорий йилнинг 1 сентябридан ўз фаолиятини қайта тиклаши хабар қилинганди. Бироқ орадан бир ярим ой ўтди ҳамки, боғнинг очилишидан дарак йўқ. Яқин кунларда бир нечта нашрлар боғ нима сабабдан очилмаётганини ва мутасаддилар бунга қандай изоҳ бергани ҳақида материалларни тақдим этишди.
Zamon.uz мухбири ҳолатга янада ойдинлик киритиш мақсадида мутасаддиларга боғланди. Бироқ бир нечта уринишлардан сўнг ҳам боғ бўйича улардан интервю олишни имкони бўлмади. Аммо “Ғафур Ғулом” парки қурилишига масъул ходимлардан бирининг Zamon.uz'га маълум қилишича, истироҳат боғи 24 октябрь куни очилиши кутилмоқда.
Бунда аҳолининг боғ ҳудудига киришига рухсат берилади. Айни пайтда боғда сўнгги таъмирлаш ишлари олиб борилмоқда.