Маълум қилинишича, 3 мингдан ортиқ шифокорлар вақтинчалик ишдан четлатилган. Улар мажбурий равишда эмланишга қарши чиққан. Мамлакат соғлиқни сақлаш вазири Оливе Веран ишдан четлатиш вақтинчалик чора эканини айтган.
Францияда шу йилнинг сентябрь ойидан бошлаб шифокор ва ҳамширалар эмланиши шарт қилиб қўйилган. Лекин бутун мамлакат бўйлаб 300 мингдан зиёд ходимлар буни рад этган. Шундан сўнг тиббиёт ходимлари орасида норозиликлар бошланиб кетган. Масалан, Ниссада 450 эмланмаган шифокор намойиш ўтказган.
Олимлар коронавирус пандемиясини тўхтатишнинг ягона йўли вакцина олиш эканини таъкидлаб келмоқда. Аввалроқ миллиардер Билл Гейтс ҳам келажакдаги пандемияларга самарали курашнинг ягона йўли вакциналарни қисқа муддатда ишлаб чиқариш эканини айтганди. Шунингдек, Хитойда 1 миллиарддан ортиқ аҳоли коронавирусга қарши тўлиқ эмлангани хабар қилинганди.
Жаҳонгир Қўзиев