энг долзарб
|
16 Сентябр 17:10
311
энг долзарб
|
16.09.2021, 17:10
311

Хитойда эмланганлар сони рекорд даражага етди

Хитойда 1 миллиарддан ортиқ киши коронавирусга қарши тўлиқ эмланди. Бу ҳақда ”Риа Новости” хабар берди.

 

Хитойда эмланганлар сони рекорд даражага етди

 

Хитой соғлиқни сақлаш миллий комиссияси маълумотларига кўра, ҳозиргача бир миллиарддан ортиқ фуқаро тўлиқ эмланган. Бу мамлакат аҳолисининг 70 фоизини ташкил этади. Шунингдек, 12-17 ёшли ўсмирларнинг 95 миллиони, 60 ёшдан ошганларнинг 200 миллиондан ортиғи вакцина олган. 15 сенятбрь ҳолатига кўра, Хитойда жами 2,16 миллиард доза вакцина ишлатилган.

 

Август ойидаги ҳолатга кўра, бутун дунёда жами 5 миллиард доза вакцина ишлатилган. Бунинг ярмидан кўпи Хитой ва Ҳиндистонга тўғри келади.

 

Дунё миқёсида эмлаш кўлами тобора кенгайиб бормоқда. Хусусан, АҚШ ва Буюк Британияда болаларни ҳам эмлашга тайёргарлик кўрилмоқда. Бунда Pfizer/BioNTech вакцинасидан фойдаланилади. Шунингдек, АҚШда ҳукумат тизимида хизмат қиладиганлар мажбуран эмланиши жорий қилинди.

 

Олимлар коронавирусни енгишнинг ягона йўли эмланиш эканини айтишмоқда. Баъзи давлатларда вакцина олганларга енгилликлар берилган. Масалан, Австрияда эмланганлар учун пандемия якунлангани эълон қилинди.

 

 

 

Жаҳонгир Қўзиев