"Канада 40 минг афғонистонлик қочқинларни қабул қилади. Биз бошқа давлатларни ҳам қочқинларни хавфсиз жойлаштириш бўйича ҳаракатларни фаоллаштиришга чақирамиз", — деган сиёсатчи Twitter саҳифасида.
Шунингдек, бош вазир Оттава фақат ўз ҳарбийларига ёрдам берган қочқинларни эмас, мамлакат гуманитар дастурларига мос келадиган афғонларни ҳам қабул қилади, деган.
Август охирида Канада иммиграция масалалари вазири Марко Мендичино мамлакат 5 минг афғон қочқинларини қабул қилишини маълум қилганди. Бундан олдин Оттаванинг ўзи 3.7 минг афғонистонликни эвакуация қилишга муваффақ бўлган. Сўнгги икки ойда Қатарга яна 100 дан ортиқ Канада фуқаролари ва қочқинлар олиб келинган.
17 августдан бошлаб Афғонистондан 100 мингдан ортиқ киши эвакуация қилинган. Хусусан, биргина АҚШнинг ўзи 60 минг кишини олиб чиқиб кетган. Вашингтон 7 октябрдан бошлаб эвакуация жараёнларини қайта тиклади.
Бундан аввал Жозеф Байденни қутқарган таржимон Афғонистонни тарк этишга муваффақ бўлгани ва Эрдўған Афғонистон бўйича ишчи гуруҳ тузишни таклиф қилгани хабар қилинганди.